Joomla! Day Mongolia 2009

Joomla! Day Mongolia 2009 өдөрлөгийн эхний өдөр амжилттай боллоо. Өдөрлөгийн үйл ажиллагааг нээж Монгол улсын сайд, Засгийн газрын Хэрэг эрхлэх газрын дарга Б.Долгор үг хэлсэн бөгөөд бүх Монголчуудын хувьд чухал ач холбогдолтой ажил болж байгааг онцлон тэмдэглэлээ. Өдөрлөгийн үйл ажиллагаанд мөн ЗГХЭГ-ын хэлтсийн дарга Д.Одбаяр, АНУ-ын ОУХА-ын санхүүжилттэй ЭЗБШӨЧ төслийн удирдагч Фернандо Бертоли, Joomla! үндсэн багийн төлөөлөгч Райн Озимек, Нүүдэлчид 2.0 багийн ахлагч Т.Алтансүх, Мэдээлэл, Шуудан, Харилцаа Холбоо, Технологийн газрын хэлтсийн дарга А.Мөнхбат, хэлтсийн мэргэжилтэн Г.Нямдорж нар оролцож үг хэллээ.

Дэлхийн олон улсад зохиогддог Joomla! сонирхогчдын хамгийн том арга хэмжээ болох Joomla! Day Mongolia 2009 өдөрлөг нь 2009 оны 9-р сарын 29-нд 9 цагаас, 30-нд Mэдээллийн Технологийн Үндэсний Паркд зохиогдох гэж байна. Уг арга хэмжээ нь Монгол Улсын Засгийн газрын Хэрэг эрхлэх газар (ЗГХЭГ, http://www.cabinet.gov.mn), Мэдээлэл, Шуудан, Харилцаа Холбоо, Технологийн Газар (МШХХТГ, http://www.ictpa.gov.mn), АНУ-ын Олон улсын хөгжлийн агентлаг (АНУОУХА, http://www.usaid.gov/mn/), Joomla! Үндсэн багийн дэмжлэгтэйгээр зохион байгуулагдаж байгаа бөгөөд Монгол хэлнээ иж бүрэн орчуулсан Joomla! 1.5 Монгол хувилбарын нээлтийг хийх болно. Та бүхнийг өргөнөөр хүрэлцэн ирэхийг урьж байна.

Joomla! Агуулгын Удирдлагын Системийн Монгол хувилбар 1.5.14 нь 2009 оны 9-р сарын 29-нд Joomla! Day Mongolia 2009 өдөрлөгийн нээлтийн ажиллагааны үеэр нээгдэх бөгөөд та бүхэн дараахи холбоосоор татан авна уу: http://www.n20.mn/media/Joomla_1.5.14-Mongolian-Stable-Full_Package.zip

Joomla!-гийн сүүлийн хувилбар болох Joomla! 1.5.14 дээр суурилан бүтээгдсэн бөгөөд шинэ хувилбар гарах тухай бүр та бүхэнд хамгийн сүүлийн хувилбарт шинэчлэгдэн хүрэх болно.